ليل الجفاء ياما عيوني بكت فيه=ليلٍ طويلْ وغايباتٍ نجومه
جرح الموده لاتلمون شاكيه=كلٍّ على ماقيل يشكي همومه
لي صاحبٍ عني ردى الحظ مغديه=شوفه بعيد ولاتجيني علومه
راحت به الدنيا فلاشك يدنيه=هوجاس قلبي طول ليله ويومه
ياما بعسرات الليالي يناجيه=قلبي .. وعيني ياخذ الشوق نومه
وشلون قلبي مايوده ويغليه=ريمٍ نقش بالقلب صافي رسومه
خلّوا لي العبره الى حل طاريه=مادام روحي من لقاه امحرومه
المغرم اللي عبرته ماتخلّيه=من طول فرقا صاحبه من يلومه
سود الليالي غيّرت في هقاويه=تاخذ ولايومٍ قضت له لزومه
ياريم جرحك بالحشا من يداويه=لاصار غيرك خاطري مايرومه
وشلون قلبي تجرحه وانت راعيه=يمطر على روضات حبك غيومه
يرويك من حلو الموده وتشقيه=راع الوفاء ماهيب هاذي سلومه
إشْفق عليه وخل عينك تراعيه=برد الليالي ذوّقه عن سمومه
حقّ عليك اللي صفالك تصافيه=تقوى على جور الموده عزومه
هجرك براني والمنايا تباريه=كنّي بروحي من جفاك امعدومه
مني رجاء كانك على البعد توحيه=ارفق بروحٍ في هواك امحكومه
محبكم
ابوسحر
العرض المتطور