المبتلي بالهوى

[ابوسحر]

سرى مادرى باللي على شوفته شفقان=وسيع العيون اللي عليها غذا القذله
تمنّيت ليت ان الغضي ماسرى عجلان =عيوني تحب امشاهد الزين ماملّه
يروح الزعل والضيق بمشاهد الخلاّن=وكلٍ على ماقيل يشفق على خلّه
يقولون يدله من شقا بالهوى واشتان =وانا مالقيت اللي يقولون لا واللّه
جميل الوصايف حط له بالحشا ميدان=تطول الليالي والغلا له على حلّه
ترى اللي يلوم المبتلي بالهوى غلطان=مثل من يريد العود ينزال عن ظلّه
لو اني بغيت انساه واجزم على النسيان =اعوَّد على طاريه بالغصب وافطن له
اراعي خياله لو خفا وانتحى مابان=خياله معي لو يمّه الدرب مادلّه
عسى ياكحيل الطرف يالصاحب الفتان=صواديف حبك يومٍ القاه منحلّه

محبكم
ابوسحر