قصايد لابن دويرج

[ماجدونا]

انا لي صاحب لو حطوا النيرات في كفه = وهي في كفة لاختار واخلي النيرات
الا يا زينها وان لبست المقرون والدفه = تماري له بزين وزينها مع جملة الخفرات
الا يا زين فوق اردوفها تلّ اشقر حفه = كما ذيل الاصيل الى استشالت والسبايا افوات
الا يا زين ما ترحم مسيكين يبا العفه = ترا لابد من يوم يبي يذكر حدانا مات
الى منه ظهر يقرش وشال السعن والقفه = ابا عقبه على بيته وابرفع فوقه الغارات
الى ما جا يبيها قلت دوك اتريّب سفه = وهو يحرم عليك اسيود كنه ضليف الشات

***

هجينيه :-

يا زين قلبي تولع فيك = والنفس برضاك مجبوره
قلبي الى ما سمع طاريك = لاكن يلويه عصفوره
سوّاك يا ادعج غنج واليك = وادعاك عند العرب صوره
يابو جبين كما الاتريك = والا كما نور بنـّوره
من غير ريب ولا تشكيك = ينّك كما البدر في نوره
اريد انا مزّة من فيك = تجلي غثا البال وكدوره
لا تحسبني بعد ناسيك = يا فرحة القلب وسروره
اسأل نجوم الدجا تنبيك = بالليل ما نام ديجوره
لو سيل عنكم فانا ما اسميك = واسمك تبيّن على سوره

***

يا تلّ قلبي من هوى الخلاني = تلّت غروب من جبا المطويه
على الذي ماله بجيله ثاني = شفته وهو مقفي وعينه فيّه
ودّ الحبيّب بالحذا ياطاني = لاشك انا نفسي عليه معيّه
يوم ان مركوز النهد رقّاني = تلّيت ثوبه قال لي مشريّه
اللي ثنيّاته برد ودّاني = والا النواهد بيضة القكريه
ما مثل مضنوني مع العرباني = اللي كما ذوب العسل بشفيّه
يا مطهّر المسلم من النصراني = سهّل عشيري دام روحي حيّه

***

جذبني بالمساجد جضةٍ توحش وحطب قـران = والى ما غير هرج لسان والا المال لا تطريه
انا احسب رمضان انه الى جانا الضعيف يعان = واثار ان الزمان اقشر وخيره عاقب راعيـه
كلوا حق الولي كله ولا يصخون لـه بقـران = عطاهم مال وامرهم يزكّونـه وشحّـوا فيـه