اقتباس:
المشاركة الأصلية كتبت بواسطة KFAA
هذه احدى محاوراته مع الشاعر كريم العنزي في دوانية عنيزه للمحاورة والشعر الشعبي
ابن حسن
ياكريم لو أن العلم ماهو يطاق=والحقيقه سواة الشمس يابينها
خابر السم يابن الناس ماهو يذاق=مير أبذل ناس وناس اباعينها
كريم
لايجي بالظفيره لخبطه واحتراق=تقلب الارض وتثور براكينها
كان بيديك قدره نفذ الاتفاق=الذبايح معلقتن سكاكينها
ابن حسن
اشرب الماء وكثر كان جاك الشهاق=والعرب قدمكم كافي مواعينها
ياكريم تحزم كنكم في سباق=والنفوس الكريمه حلف ماهينها
كريم
لاعب النصر مايلعب مع الاتفاق=مير عطنا السوالف من مظامينها
بالنا مايضيق وبالكم ليه ضاق=والمطيه على ماقيل ثانينها
ابن حسن
ليلة العيد كلٍ حاسب لسواق=ليلةٍ ياطويل العمر يازينها
ماتضيق الصدور الا بوقت الفراق=ياعيونٍ طويلة شبح معمينها
كريم
ليلة العيد موعدها الوفاء والوفاق=مير من يعترض مابينك وبينها
يوم جتنا علومك جلها والدقاق= قلت ذي خوتن محنا بناسينها
ابن حسن
ويش اسوي بناس شغلهم مايطاق=ياكريم وسبته يسبق اثنينها
وانت هرجك معي يشبه لي حلو المذاق=مير طول الدهر نوخ بعارينها
كريم
راعي العلم مثلك يطلب الالتحاق= مع رجالاً مثبتن براهينها
يوم راع الغنم يضحك براع النياق=ذكر القوم بحاجات ناسينها
ابن حسن
طالب العلم مثلك ياكثير الفلاق=شارة الملعبه ذالليله مخطينها
ضلع خرطم جنوب ومثلكم ضلع ساق=وانت ابخص بمدعوها وداعينها
كريم
لو نطاوع كلام الوسوسه والنفاق=كان صحبتك من عامين ملغينها
ادري انك عليها هزك الاشتياق=لكن الملعبه حضرو سلاطينها
ابن حسن
خلها ياكريم مثل شغل الحقاق=اقبل اللي يجيك وكيف معطينها
جيت مسرع عليها تقل فوق البراق=وان نشدناك عنها قلت منحينها
كريم
تدرق فالجبل مافادلك الادراق=ويش وقت الصلاة اللي مصلينها
ابشر اني لحقتك مع طريق الطراق=لكن الناس لاتنقص موازينها
*********** |
تقبلو خالص تحياتي
فــهـ التميمي ــد
2007, 01:15 AM
المواضيع المتشابهه
العرض المتطور