النوايا

[الحر المقيد]

ليت النوايــــا تُكـــتب بصــدر صــفحه
ونعرف صدوق الأمس من كاذب اليوم
لكن على الله دام هــاالنفس سمحه
لا عاتبت صاحب ولا جاورت لوم
ياصاحبي غضّيت عن ألف لمحـه
وأنا بعيد الهـــــمّ والســـــر مكــتـوم
وشلون أعاشرمن وفـــــاء لي بجــــرحـه
واجلس خفيف البال وطيوري تحـــوم
وأنا خفيف النفس و بظلال مزحــه
اذا لقيتـــه يوم والحـــــال مهــــــموم
من لذّة الســــــكّر أو طــعــــم ملحـه
وإلاّ مـــرار المُـر بلســــان مظــــلـوم
شمس النهـار بتكشف أوراق صـبحـه
وتكسر سكون الليل في قلب مظيوم
واللي رمى في مهجة الصبح رمحــه
وتحت الظلام أقفى بسكّين مسموم
في آخـر القصـــه ومع الوقت يصحـى
يلقى الصـدق منجاة والعلم معــــلوم
هذي بحور النـاس مدحــه وقــــدحه
ليتك تعــــلّم غدر الأمواج وتعـــــــوم
وكيف الجهـــــام بغــــدر تغتال وضحه
ما جاورت صاحب ولا عاشرت قوم
الله يعــلم من وفـــــاء لي بنصـــــحه
ومن طعن صدري وظهري له رســوم
ومن ذكر عيبي وسامحت فضحه
وجلست أنا لحالي ورفاقي نجوم
ومن نسى في أوسط العـيش ملحه
بحمـد ربي رحت ولساني يشوم
كيف الكــــلام يتوه في طول شــرحه
وألقى المعاني ساهره تنشـد النـوم
مسكين من شاف الجفاء بعض ربحـه
ومن يشـوف الناس غـــالب ومــهزوم
يوقف قصيدي في بدايات صدحه
ويموت عزفي بآخر الليل مكــلوم.