حال قناص

[بواقي جرح]

يا صاحبي حالي كما حال قناص
بس أتختل شوفة الزين و ارقبه

مثل الذي جهز مع الطير لـه شاص
أما كسب و إلا الولع من مكاسبه

يغيص كان الصيد عن ناظره غاص
وأن طار صيده يذبحه في مخالبه

وإن راح ما جابه تولته الأنقاص
راحت سعة صدره وأنا لي مطالبه

ما ظن من حبه لي اليوم مخلاص
كاتبه ربي داخل القلب كاتبه

معطيه من روحي وفاها والاخلاص
تملك التفكير والقلب ناهبه

هذا ترى حالي إلى جيت مقناص
أذكر وليف الروح يوم إني أرقبه