ياسعود لو جات الليالي على الكيف
ماشفتنا ياسعود نمشي وناقف
صارت علانا. مثل شهب العواصيف
هذا. اعتراف اللي لقاها سوالف
حنا نعرف مانبا لاحد. تعريف
وناخذ نواديها على كل نايف
ياسعود نقضيها. مزوح. وعجاريف
وليالنا مابين طوع. او عسايف
دنيا تقلب ماعلاها. تحاسيف
العمر يمضي واخر الوقت تالف
ياسعود من. شام وتباعد عن الحيف
بعيونهم صار الضعيف او خايف
وصار الشجاع ابو الحكى والسواليف
وتقدمو بالهرج هاك. الهدايف
ونصد عنهم مع. بكارً مشاعيف
ونضرب بها سهل الوطا والحتايف
معها سعة. صدري ولامن. تكاليف
وان دك بي هوجاس والقلب عايف
ارقب وعدي عاليات المشاريف
والقى نشاماً تودع البال كايف
سواة ابو سلطان ريف. المهاجيف
طيب النبا تزهاه هاك. المضايف
لوهي دهر. لاجيت. عنده غدا ريف
ناصر ذخر من فعلهم بالرهايف
وشرواه. من. كل. القبايل لهم طيف
في وسط قلبي قبل عايف اوشايف
2020, 09:12 PM
المواضيع المتشابهه
العرض العادي
