*** الـــتـــغـــيـــيـــر ***
ألا يالله يامـن يملـك القـدره مـع التدبـيـر ..... بتصريف الدهر والكون يوم الحـال مبروكـه
على بابك رفعت الكف واقف راجي(ن) للخيـر ..... مدام الخلق له بيبان عـن الطـلاب مصكوكـه
أسمي بإسمك بقاف(ن) بديته ما أتعب التفكيـر ..... مثايل خاطر(ن) منظومه(ن) ما هيب مشروكـه
أنقيها عن المنقود وبأمر الله تجـي تصخيـر ..... وأعرف الشفره لخزناتها فـي داخـل بنوكـه
أصخرها وأجنبها عـن التطويـل والتقصيـر ..... على أهداف(ن) ولا صارت عن الأهداف مفروكه
أنا التغيير وكّدتـه وجهلـت بسبـة التغييـر ..... هو من الوقت وإلا الناس بالتغييـر متروكـه؟
يجي بعض البشر يارد بدون رشاه يـم البيـر ..... وهو ضميان ويدربي مـع العربـان داموكـه
يقول الزير سالم قال ويباهـي بقـول الزيـر ..... وأشوف الخيل في يوم(ن) ركبها فكت وروكـه
يهاب الذيب لو يقنب ولا عمره نقل لـه طيـر ..... ينقّـل فصفصـه بيديـه وبمخباتـه علـوكـه
ولا عنده علوم رجال ماعنده ل .. أحـد تقديـر ..... يداهن بالمجالس مدح رجل(ن) إمتلـى بوكـه
تعزوى مره وصيّـح وقالـوا خيلكـم تحذيـر ..... وأثرّها معركه مابين رجلـه والعـدو شوكـه
رحمّك الله ياوقت(ن) كتـب بالمرجلـه تقريـر..... منح من قاسه بسيرته شهادة حسـن لسلوكـه
رحل عن ناس بالرفقه ترافق نافخيـن الكيـر ..... ونافخهم يسحّبهـم مـع العلبـاة فـي هوكـه
رحل بالحق ما جا فيه ماسمـى بدهـن السيـر..... نقي(ن) راح عن شبهات وقت(ن) كثرت شكوكه
بهالدنيا مثل ماقيل جايـز كـل شـي يصيـر ..... إلى أمسينا تعقد حبالهـا والصبـح مفكوكـه ؟
أحـمـد بــن عبدالـرحـمـن الـخــراز
تقبلو تحياتي
أخوكم علي بن حمد
2007, 12:54 AM
العرض العادي
