محدٍ يسليني الـى ضـاق صـدري=با لليل يا كود التسلـي بـا لاشعـار
والله لـولا الله قبـل ثـم شـعـري=لا فرّ من ثوبي وأولّـي عـن الـدار
واصير مثل الشايـب اللـي مهـذري=والإ كمـا المجنـون بالسـوق دوار
في خاطري هـمٍّ الـى ثـار مـدري=با لناس أنا و إلا عن (الناس) باستار
بالقلب ضيقٍ يلتجـي بـه ويسـري=وعزّي لمن ماله سـوى الهـم زوّار
عليك ياللـي عقبك العيـن تجـري=من فوق خدي دمعهـا شـق معبـار
أقفيت واقفت راحتـي ثـم عمـري=حاطت عليه من النوى كل الأخطـار
أنا أحسب إن البعد لا طـال يبـري=وأثره يزيد الشـوق ويسعـّر النـار
كن اللهب حين أجضع الجنب حدري=وما من لهب لا شك شوقٍ وتذكار
ذكراك يا مشغل حياتي وفكــري=علة عيوني لا ضوى الليل واندار
ما شــوف شـيٍّ عـن تــِذِكِّرك يذري=من يسكن العينين يرسم بالانظار
ما هوب حبي لك على الدرب عبري=أمرٍ على قلبي نزل طيب واجبار
لو شفت حال اللي بالاشواق مبري=بدّلت صدك والجفا حب واعذار
يــا كثـر هـمّي بـك ويــا قـلّ صبـري=يشهـد علي الله ولا نـيـب مكــار
مـا تـلـفـت وتشـوف حـالي وعـذري=قبل الـندم لا رحــت في كـف قبـّار
كان العزاء ينباع قل لي وأنا اشري=مير العزاء مـاله مبيـعـه وتـِـجّـار
لا صـرت باللحظة على البــال تطري=ما صار لي يمّ الصبر عنك مظهار
لك أشـتـكــي والله بــالاحـوال خِبـري=حيثك سبايب مــاجرى لي وما صار
عسى حنـــان يـنـقــذ الـروح محــري=فيه الحلا للكــبـد من عـقب الامـرار
منـك الجـفـا ما هـوب حـقي وقدري=عطني وفاك اللي تواعــدني مـْــرار
هــذا مرادي قـبـل أوَرّد لـقـبـري=وإن ما تهيّا ننتـظـر حــكــم الأقـــدار
سـلـّمـــت لله ثـم سلـّمـتـك أمـري=ضـاع الــدلـيـل وضــاع مــيزي والأفكار
العرض العادي
