وين ابن بادي

[حمد البادي]

(الذيب)

السلام عليكم ورحمة الله

وين ابن بادي حمد شاعر الفيحا الوحيد=ودنا نسبح معـه بالمحيـط الاطلسـي
والسوالف بيننا عبر صنـدوق البريـد=ملبسك يابوعزيز وانـا مـن ملبسـي

[حمد البادي]

حمد البادي

وعليكم السلام ورحمة الله وبركاته

مرحبا بالذيب والذيب له بـاسٍ شديـد=ماحلا مسراه حدر الظـلام الغطلسـي
هاتها ياصافي الذهن والـراي السديـد=وانت في مجلسك جالس ونا في مجلسي

__________________

[حمد البادي]

(الذيب)

صح لسانك يابوعبدالعزيز..وياهلا ومرحبا وهذي الساعه المباركه.ونتشرف باللعب معك
وأسف على التاخير.من امس انا ابرد لكن ماقدرت ادخل المنتدا الظاهر فيه مشكله
وانا مادري متى الوقت المناسب لك بالتواجد وبالنسبه لي فانا موجود انشا الله من الساعه التاسعه
مساء وحتي الواحده والله يحي الجميع وكله نبي نوسع صدورنا ولاحاصل انشاءالله مايكدر الخاطر
لك خالص شكري

عشت ياترثة عقيدٍ خذا الفعل المجيد=والمحالـه بيننـا بالرشـا ماتمرسـي
رحت طابه يوم واحد ومريت الصعيد=شفت شوفه كدرت خاطـري ماتنسـي

[حمد البادي]

حمد البادي

صح بدنك طال عمرك
انا اللي لي الشرف باالعب معك انا شفت ردك مع الاخوان هنا والله رد شاعر متمكن وبحر ولا يهون صاهد بس ياليت اذا ما عليك احراج اتشرف بمعرفتك ومعرفة اخوي صاهد والله لي الشرف العظيم بمعرفتكما
اما من ناحية تواجدي في المنتدي مع الأسف ليس لي وقت محدد ..حسب التساهيل
ولا تنسي طلبي
وتقبل خالص حبي وتقديري

بارك الله فيـك ياللـي تفيـد وتستفيـد=شايفٍ جرة مخابـط يديـن الأشوسـي
من يعيش يشوف والمعرفه هل من مزيد=كم نهار انشوف نوره وليـلٍ عسعسـي

[حمد البادي]

(الذيب)

صح لسانك . وبالنسبه لطلبك ابشر انشاءالله عن قريب. وتشرفنا..وش خليت ولد المرحوم

السوالف بينه من قريب ومن بعيـد=خصصوا له حلقتين ابقناة الام بي سي
كل ماقلت انتهت حركوها من جديد=شفت دخان السفن بالخليج الفارسي

[حمد البادي]

حمد البادي

كل ما جيت أنشب الموت بحبال الوريد=أذكر الله فوق راس اللعين ويخنسـي
رغبـةٍ بالستـر والله ستـار العبيـد=ما بغيت اكشف رزايا لعين المترسـي

[حمد البادي]

(الذيب)

صح لسانك

ياحمد للجامعـه والمناهـج لـو نعيـد=لاجل بنتٍ هي نفسك وحياتك ونفسي
مايضيع الطيب والله على خلقه شهيـد=وش يهمك لو شفت العسوس اتعسسـي

[حمد البادي]

حمد البادي

صح بدنك

تقصد اللي قد طحنا بها حب الحصيد؟=مابها الا حب كسره وحبٍ مسوسـي
والله اني منك محتار مدري وش تريد=مايرد لبنك الافلاس غيـر المفلسـي

[حمد البادي]

(الذيب)

اذكر الله ياحمد وادحر ابليـس المريـد=بشتك اللي تلبسه لوغـدا وش تكتسـي
ودك ان الرجل يصبح على الشدات حيد=واثقل امن الحيد لو المحاله تضرسـي

[حمد البادي]

حمد البادي

انت وش صالحك في علم عمرو وعلم زيد=والله اني من كلامـك بديـت اوسوسـي
يوم اشوفك تبحث العلـم وتعيـد وتزيـد=لا تصير بلحن الأجواد قمت تهجرسـي ؟