خبرك عتيق

[بواقي جرح]

خبرك عتيق اليوم حنا نسيناك
خبرك عتيق القلب ما عاد يغليك

أقفيت وأقفت مع لياليك ذكراك
ورتحت من عينٍ إلى غبت تبكيك

نويت نسياني ومثلك أبنساك
وأصبحت ماضي في حياتي وناسيك

أمضيت في جرحي سنينٍ برجواك
والجرح الأول طاب ما عاد نرجيك

ابعد عن دروبي وخليك بديناك
اخترت لك دربٍ عسى الله يهنيك

ذاك أمس يوم النفس يا زين تهواك
تخطي وأسامح وخفي الهم و عطيك

ضاعت سنيني ما تهنيت وياك
راحت حياتي بالشقاء في ترجيك

رح للذي غرك مع الناس وعطاك
قلبٍ صناعي بالهناية غدر فيك

اخترت أنا بعدك وفضلت فرقاك
خلك تعاني وتشرب المر بيديك