الله اقوى تقل مـا يـوم كنـا حبايـب=شوفة العين تقفي مـا تقـول السـلام
كل شخصٍ حضرنا قال والله عجايـب=ما تصورت هاك الود يصبح خصـام
كفوا اليوم يـا عـذال مانـي بتايـب=لا تزيدون مابي فوق جـرح الغـرام
النصايح كثرها ما اخبرهـا طلايـب=لا تعذلوني ما اسمع في حبيبـي كـلام
غصب احبه لو اني شفت منه المصايب=الله اللي بنـا لـه فـي فـؤادي مقـام
حن قلبي على طرياه لو كـان غايـب=ما اقطع الياس دام الصبح قبله ظـلام
اتسبب عسـى ربـي يقـود السبايـب=يالله إنـك تبلغنـي عزيـز الـمـرام
تصخر الزين للي ذاق منه التعايب=راح عمري شقاوي ما استلـذ المنـام
2007, 06:57 PM
المواضيع المتشابهه
العرض الشجري