أسمى البشر

[ياسر التميمي]

أسمى البشر

عيدي معك غنى وزانت لياليــك= تفضلي كل المشاعر وسمـــــي
حبيبتي مادري وش اسمي واسميك = ولا ادري معك من وين اببدا واسمي
بسم الله ابدا واحدٍ مايخــــليك = خلاك في عيني وقلبي ودمــــي
افزلك واشفق واقبل اياديــــك = لاجيت لك ينزاح همي وغمــــي
وافرح الى منك رضيتي واداريـك = ولامن زعلتي شفت غمي وهــمي
أكبر وأصغر مزبني عند اراضيـك = باريس نجد ودار جدي وعـــمي
من قلبي اغليها ومن روحي اغليك = واخاف من عين البشر ماتســمي
وان قلت لك يامنبع الحب وش فيك = قلتي غلاي وخوف مدحي وذمــي
ماقلت لك محتار وش اســـميك = أسمى البشر واخت الرجاجيل((أمي))