من قصائد شاعرنا الكبير علي ابو ماجد
لو الدنيا توطي راسها لي=تساعدني على غمس الليالي
تمنيت ان لي شلفا ذياب=ورمح مثل ابو زيد الهلالي
وبنت كروش صفرا مستعنه=عزوم ما تقهقرها الحبالي
ابا انشر حرب بقعا بالصحافه=مخاطر والمخاطر ما يبالي
وانا دعاك فيما دبر الله =نبيع ونشتري والسعر غالي
تضدن بالغلا وهي قومه=وانا ضنده بمصبوب الريالي
ثمان سنين تشكي الضيم مني=وانادب قومها شرق وشمالي
لما اشمر في غلق شحمها=والد لمحزمي وابلاه خالي
طلبته هدنة لا سامح الله=شهر وتقول يا هملا لي
توعدني وانا ماني طروده=جزيت وحربها الماضي قضى لي
وانا ما ابديت لاسيادي خبرها=ولا فهمتهم باللي جرالي
فلو يدرون مدني بقوه=وجند من مساطير العيالي
تسوقهم المروه والحميه=ويرفون الخلل في كل حالي
والى شافوا على الخادم هزيعه=بنو له منزل بالحيد عالي
لما ياطا على بقعا برجله=يحط حذوها مثل النعالي
وانا كد ذقت منها العلم عينه=مجرب اول ما هوب تالي
اهوزيهم زماني كل يوم=واعذر موقفي فيهم الحالي
والوذ بهم نهار الموجبات=وانكس في ذرى سيدي عقالي
الى جاني طروش من بعيد=اقابلهم وانا مرتاح بالي
لازمي ينقضي في كلمتين=حلال معزبي كنه حلالي
وهذا شين قليل من كثير=نعده كل ما حل المجالي
ولا يخدم من العالم بخيل=ولو بالنسب فوق العوالي
قرار واعتراف ما يزول=يوقع في يميني عن شمالي
اقوله واتوجد واتمنى=الى الدنيا توطي راسها لي
وصلى الله على سيد البرايا=عدد ما هل هملول الخيالي
2008, 08:47 PM
المواضيع المتشابهه
العرض الشجري