جنون

[ياسر التميمي]

جنون

خلي جنوني واسمعي عاقلٍ تاه = بين الجنون وبين عقل يعانـي
ماغير اردد يكفي القلب ماجاه = ولا شفت منك الا البلى يازماني
ضايع غريبٍ والليالي تبـلاه = يالعنبو وقتٍ بلى وابتلانــي
آهٍ على آهٍ على آه مـع آآه = وآهٍ على حبٍ رماك ورمـاني
ماغير نرجي حـبنا الي فقدناه = ونغني لذاك الأمل والأمــاني
نرجي أمل مذبوح واللي رجيناه = زف التعازي يوم وقت التهاني
باثنين من شوال رحتي وهو تاه = التايه اللي من عذابك يعـاني