المهمهية

[yhb123456]

قمت اخايل بروق تشتعل بالعشية=بين ذيك المطاوى والغضا والرمال
الصواعق ولمع البرق بالمهمهية=والغدير امتلا من وبل ذاك الخيال
ابهلت في مطرها عصير والشمس حية=والمجاري تملت والعروق النحال
له وردنا عطوش هيم ورد الظمية=وارتوينا ولا ندري حرام او حلال
وافترقنا وكل راح له مع نحية=بعدهبت علينا من هبوب الشمال
حلفتني وانا حلفتها بصدق نية=مايخون الوداعه غير نذل الرجال
اشهد ان الحياة بشوفها والمنية=الربيع بنحرها والغدير الزلال
ريمة حسن ابن يعقوب جاها هدية=واكتست بالبها الزاهي وحلو الدلال
مايربع بسيله ذود راع المطية=ينتجع للربيع ان صار راعي حلال