تراجع ترا فرقا الموالــــيف مايخــــفـــاك

[سعيد محسن الحريص]

تراجع عن اللي قلت لـي دامني بجـــواك=تراني لـــيا صــــديت ماعاد تلـقانــــــــي
تراجع ترا فرقا الموالــــيف مايخــــفـــاك=يقال الوحيد اللهيد في كل الازمانــــــــي
الا يابعد من سيرو بالـخلـــيـــج اهــــواك=دخـيــلك تراني سدني منك ما جانــــــــي
على مفرق الخطين وش قلت لي برضاك=تذكر وش اللي صار يوم الله اعطانـــــي
سحبت الرشا واقــفيـت وانا على رجواك=وانا ارجي الولي يامرك لي قبل ينهاني
عسا الله يجيب السيل ويهز غصن الراك=ويظــــهر لي النوار باشكال والوانــــــي
ويــرجــع زمـــان فات لـي يـوم انا ويـاك=ادور رضاك وكل ما صار من شــانــــــي
اعـــزي ضمــيـرا بالحشا مــيت بــحمــاك=الا قلت له تذكر يقول آه ماكــفـانـــــــــي