اهــلا هـــلا يــا نور الأعـيان حـيـيت = نــور ٍ ونـــار ٍ للــضمـاير وقــــايــد
كـنـي دريت ابـجـيـتـك يـوم أنـا جـيـت = والا تــقــل بـيـني وبـيـنـك وعـايد
شـفـتك ولا جلك صافي الدمع هـليـت = يالـلي عـلى الــفـرقـا وسيع البلايد
يـا غـبـت عـنـي يـا لـعـيـني تجـلـيـت = بعــدك وقـربك كـل الاثـنين كــايـد
منـتـب الى شفتك عن الـجـرح داويـت = وان غبت لـغيـابك جروح ٍ جـدايـد
خـف بـي من الله يوم أنـا بك تـبـلـيـت = شـف لي طريق ٍ بـه تحل الـعـقايـد
داو الـجروح اللي على الروح خطيت = يـصير لــلــدنـيـا بــعــيـني فـوايــد
عـطني وفــاك وخــذ عــنـه ما تمنيت = لـك ما تــريــد الاَّ الـجـفــا والنكايد
يـاللي عليك الهم شلته وجضيت= من طول صبري والوفاء منك حايد
أنت المريح امن السهر والتناهيت = ونـا عليك دموع عيني بدايد
والله مـا يـوم ٍ تصبحت وامسيت = الا َّ بطيفك يا شبيه الفرايد
وادري وأشوف اني شقيت وتعنِّيت = واني عن المجزا بعيد البعايد
لا شك عيـا خـاطـري بك وعيّيت = حبك يجاذبني سوات القلايــد
وش عـاد كاني ساعة ٍ عنك سجيت = عليك هوجاس التفاكير عايد
مثل النظير اللي بشوفه تماديت = يبعد وهو مني وفيني وكايد
اشكي عليك امن الغلا ما تلقيت = اقول همي كل يـوم ٍ ابزايد
الحق على جرح ٍ جرحته وصديت = خليت عقبه عيشتي للَّهـايد
عليك يـا كبر العناء كان ما وحيت = وجازيت حبي لك بغير العوايد
العرض الشجري