بسم الله الرحمن الرحيم
عنيزة اللي سطرت أروع امثال
عنيزة اليا شفتها تشرح البــــــال *** نسناسها يشفي قلوب جريحـــــه
ما انتي بعيدة لو فصل بيننا اميــال *** لك في قلوب الناس خانه فسيحـه
يا هي حبيبة ديرة العم والخـــــال *** لا شفتها يطري لساني مديحـــــه
عنيزة اللي سطرت اروع امثــــال *** تاريخها زاكي بجمله صريحــــــه
إن غبت عنها بالسفر صرت رحال *** تهتز نفسي لا تذكرت شيحـــــه
والى مشيت بنخلها سير جــــوال *** يضرب سعفها نسمة له تزيحـــــه
اطالع بعيني رفيعات واختــــــال *** وانا حدر هاك العذوق المليحــــة
مثل الخروص معلقة شانها عــال *** حمرى وصفرى مثل ضرع المنيحة
لا صرت تحته أذكر الله بالامثــال *** تمر ورطب يجمع خرافه صفيحــه
والا زقيط بالنمى يسعد الحــــال *** الى خرفته بالفجر والصبيحــــــه
برحي وشقرا بسرها يوكل لحــال *** والسكرية نظرته تستبيحـــــــــه
وهايب من الله نوايع من المــــال *** ما له ثمن والنفس ما هي شحيحة
يالله تديمه نعمتك تترس الجـــال *** والشكر نشكر والكفر ما نبيحــــه
صلوا على الي ذكرته تعدل الحال *** محمد الي باذل للنصيحــــــــــــه
اعداد ما هل المطر جاك سيـــــال *** وعداد تمر قد خرفنا صحيحــــــه
وعداد ما تبرق بروقٍ من خيـَــال *** وعداد ما تسري عطور بريحـــــــه
حمد بن عبدالله العقيل
عنيزة – فندق عنيزة - 5/5/1432هـ
2013, 04:03 AM
المواضيع المتشابهه
العرض المتطور