هذه قصيدة الاخ : آحمد العبدالله الحريقي
قآبلته و قلت مآهو جديدك و قآل تجده في صفحة الجزيره ..
و قرآتهآ فآ كآنت رآئعه آوردهآ لكم و من ثم مجاراتي لهآ ..
سلآم يا آغلى من يسوق المشآريه = ياللي على شانه نفك النشابه
سلام من غالي إلى قلب غاليه= ياقف مابين قدر و مهابه
سلام متكشخ على شان قاريه = يجيه و آرياح الورود بثيابه
الطف من هبوب المساء في تواليه = و ارق واجمل من رذاذ السحابه
يجيك طاير ماتخافت جناحيه = موزون و النظرات فيها صلابه
يعني على راي العقل خير تشبيه = شخص كريم و قرم كله حبابه
ياصاحبي لو كان لك شخص تغليه = ماود اتساق القلوب لـ عتابه
و يكون فيه اشكا و الصد ينهيه = تختار حل الصد قبل قبل المجابه
المساله ماهي بلعبه و ترفيه = المساله واقع وصرنا قرابه
اما حضرنا بـ عز مابه مشاريه = و إلا بلاه احضور مابه ذرابه
اقولها واللي لك بخافقي فيه = ماغير اللي صار قلبي ومابه
و هذه مجآرآتي :
يآمن تعلى رجم العآم راقيه = قله هلآ و الصوت كلن درابه
يآدآعي فكري على شان تكويه = بـ آبيآت فيها للمشقي طرآبه
آعزف وتر وآشرب نهر لين ترويه = والعب على المسحوب فوق الربابه
و قهو الخفوق الي فقد من يقهويه = من بحر شعر ميزوك بـ حسآبه
و دآمك تهد الطير دآيم و تدعيه = سل الحدب لاتغمده في جرآبه
وآرسل بنات الفكر يمه تهديه = واعزف لها من سامريك عتابه
شرهة غلا تمحي الجفا من تواليه = تحس فيه الود يوم الرضابه
الصاحب الي له موده تداريه = ماتواخذه في كل حكي حكابه
و تلقاه في يوم تكشف خوافيه = رجواه اخير من إنقطاع الرجابه
و خلك كما نجم الثريا تباريه = اما تشوفه شوف ولا سرابه
العرض العادي
