وقفه مع حمد المغيولي .. رحمه الله

[دمعه]

هذه القصيدة الوجدانيه للمرحوم حمد المغيولي .....

[دمعه]

تحياتي لك وعلى حرصك الدائم ...

[ماجدونا]

السلام عليكم ...

أخوي العزيز .. دمعه

شاكر مرورك والتعليق .

والعذر منك ... سابقا خاطبتك بصيغة المؤنث .. توهن الاسم ( دمعه ) !! .. أرجو أن تقبل أعتذاري

تحياااتي لك

[دمعه]

لا وش دعوى لازم يكون هناك مداعبات انثويه هههههه
وخذ راحتك ومشكوووووور لجهودك ومرورك ...

[عكوز]

الله يعطيك العافيه وشاكرين لك اخوي

[دمعه]

يااااااوليه على الاحترام

[ماجدونا]

السلام عليكم ورحمه الله

نواصل معكم سلسله القصايد للشاعر / حمد المغيولي ( رحمه الله ) وعذراً على التأخير . الالفيه :-

ألفٍ : أولف من عجايب زماني = قافٍ يشوق مصرفين المعاني
ما دام لي شفٍ مثل بعيد وداني = ما جاء علي بالي نطق به لساني
البا : بديت القيل وأبديت ما أخفيت = أسباب مما شفت بالعين وأرّيت
يا ليتني مع سوق مستور ما جيت = رديت مقفي ما تعدى مكاني
التا : ترا ما جا على العبد مقسوم = خير وشره بين حجّاه مرسوم
لا شك ذا معطى وهاذاك محروم = وانا من التوفيق حظي رماني
الثا : ثبت عندي ولا به روايه = إن الهوى والحب سبّة عموايه
لا واعناي من الهوى واعنايه = بالصاحب اللي قل شوفه براني
الجا : جحدت الحب والحب غربال = جرحه غميقٍ وجارح الحب سلال
والناس ما يدرون وش علة الحال = وانا جروحي من صخيف المثاني
الحا : حرمني لذة النوم فرقاه = الصاحب اللي حملن حملٍ ما أقواه
يا ليت كلٍ ساكرٍ ماه بلزاه = ولا عنيت لصاحبٍ ما عناني
الخا : خفيف الدم قصده يجازين = عمّا مضى من عشرته يوم هو زين
واليوم يوم العين قرنت على العين = جازان بالسيّات عقب الحساني
الدا : دريت بغايته وش مرامه = عرفت مقصوده بلهجة كلامه
يبين أجر النوح مثل الحمامه = وأجاوب الورقا بجر الغواني
الذال : ذابحني بهمّه وكيده = همّه كبير وكل يومٍ يزيده
اللي طعونه بالضماير جديده = له مخطرٍ بالكبد حرّه كواني
الرا : ربيع القلب ذكره وشوفه = حتى أيش لو طالٍ من أجله كلوفه
أبا أتصبّر كودي أجلي الحسوفه = وأبرد غليلي من غصين اللياني
الزا :.... زريف الطول .... = لا بالقصير ولا دقاقٍ طويله
لا واعذابي من طويل الجديله = جدّد كوايا بالضلوع اىلمحاني
السا : سهوم الحب ما هي خقيّه = دايم صويب الحب عينه شقيّه
لو قلت ما به علته باطنيه = كنه عضيض الغلث والحيل واني
الشين : شوفي له عذابٍ بلا خير = حيّر قدم رجلي عن السير لاسير
والكبد عسكر به ثلاثة مسامير = ولا احدٍ يقول أخطيت يا مودماني
الصا : صواب الحب خطرٍ على الروح = جرحه جرح روحي وأنا قبل مجروح
يا قاتل المغرم ترا ما انت مسموح = تركض على ذبحي عيانٍ بياني
الضاد : ضدي ما يسوي سواياك = يرمي على همش الخبر بس منّاك
وإلا أنت جارحني بحبك وبلواك = ليت الولي في عشرتك ما بلاني
الطا : طويت الياس من شفت خلي = لا هوب جافيني ولا صافيٍ لي
وأنا اعتذرت من الدلع والتغلّي = يكفين من طرد الهوى ما وطاني
الظا : ظروف الوقت ترمي باهلها = طاوعت عينٍ مغرمه في عملها
ايام روحي داويه في جهلها = واليوم عنّيت الفرس بالعناني
العا : عذلت النفس من عشرة الناس = ما شفت من طرد المقفين نوماس
من لا يسيّس قصر حبه على ساس = لا بد ما ياقع رفيع المباني
الغين : غبت وغاب عني خياله = ما عاد يطري لي غلاه ودلاله
كلٍ يبي يمشي على شف باله = لا صار ما شانه يوافق لشاني
الفا : فضحني بالتردد ولا فاد = همي عليه الرجل سرداد مرداد
من عند بابه مير حتى ايش وش عاد = لا صار مالي من نمى البردقاني
القاف : قلت من التردد بلا فود = عيبٍ ومما يلحق الرجل منقود
واللي يعرف النقص ويثمن الزود = يصبر على حد القسا واللياني
الكا : كفاني ما فجاني وعنّان = من عشرة اللي عقب عرفه تناسان
خان الزمان وبدّل الود هجران = والعلم لو إن تجهله ما خفاني
اللام : لومي عقب ما أقفيت منّه = كاني على فرقاه جريت ونّه
يا لعن ابو قلبٍ الى اقفى يحنّه = لا من بني عمي ولا من عواني
الميم : مالي عقب شفت الممله = ارضى لنفسي بالعنا والمذله
لانصكّ بابٍ يفتح الله محله = لا أقفى شهر شعبان هلّ إرمضاني
النون : نامت وأسفهلت عيوني = طويت ياسي واستراحت أشطوني
ما قول واعزاه لا واغبوني = حقٍ علي أجفى وليفٍ جفاني
الوا : وسيع العرف ينكس الى شاف = صد وجفا ومظاهرة غير مجناف
يا قلبي اللي من عنا الوقت ينلاف = أصفح الى شفت الدهر قلّباني
الها : هني اللي مريحٍ ومبسوط = ولا عذاب الحب شوطٍ باثر شوط
دام الهوى يا هل الموده هوى نوط = ما ظنتي عشرة تشد الثماني
اليا : يعين الله على العدل والميل = عبدٍ عذر وأعذر من القول والقيل
يا رب حسن الخاتمه والتساهيل = وإنك على درب الصلاح تهداني
تمت وصلوا عد مختلف الازهار = على النبي الهاشمي سيد الابرار
وآله وصحبه عد ما هبّ وإندار = نسم الهوا شرق وشمال ويماني

[النادر]

مشكووووووووووووووووووووووووووووووووووووووووووووووو وووووووووووووووووووووووووووووووووووووووووووور
ماجدوووووووووووووووووووووووووووووووووووووووووووووو ووووووونا
صراحة انت النادر مهوب انا عموما تراي ابغش من القصايد ولا تخاف حقوق الطبع محفوظة هل تسمح؟
وهذه قصيدة للشاعر (حمد بن عبد الرحمن المغيولي )رحمه الله يقال انه قالها عندما كان في تبوك وصار له بعض المشاكل في البلدية0

عزّيلكم يا هل الكبود المعاطيـش=تولّجوكـم ناشفـيـن الكـبـود
تولّجوكـم بالعيـن البخاشـيـش=فطس الخشوم اللي سواة القـرود
قالوا تعيش بها البلد قلت ما اعيش=أعيش في ديرة صلايب جدودي
لي ديرة ما تنكر الملح والعيـش=له مطرح بيـن الجبـل والنفـود
وين الرجال اللي يروسه نغاميش=راحت ثعالب والفهود القـرودي
دار سكنها الفار والهيس درويش=خلّه لهـم والحـق لازم يعـودي
والله يالولا اللي ليا هاش ما هيش=سيف السعود مطهّريـن الحـدود
اني لبيّن لك مصير ابرق الريش=ذ اك الدّ خيل المستهيـن الحقـود
يوم انت تامرنا وتنهى على ويش=منتب سعودي يا لعين الجـدودي

للامانه منقول من مجلس عنيزه للعضو شاعر

[ياسر التميمي]

عزيزي النادر هذه القصيده كانت موجهه الى مدير ومساعد البلديه ((درويش)) وكانت ملقاه الى الامير السديري امير تبوك في ذلك الوقت ويوجد شريط بلسان المرحوم يفصل هذه القصيده ,,,

ملاحظه بخصوص توقيعك //

سالي مع العالم ولا نيـب سالـياضحك واخفي دمعي للقلب مجبار

الصحيح هو

سالي مع العالم ولانيب سالي اضحك وأخفي داخل القلب مجمار

لأحمد الفهيد

وتقبل تحياتي

[ماجدونا]

السلام عليكم

ابو سحر , دمعه , عكوز

الف شكر لكم على المرور .. ربي يحفظكم

النادر

حياك الله ,, ومشكور يا بعدي وهذا من طيبك . بالنسبه للقصيده فيها أخطاء بالنقل من المصدر أكيد . والقصيده بالنص الصحيح موجوده بالموضوع .. ممكن إنك تتطلع عليها .

وخذ راحتك بالغش والنقل ,, بس أغديك ما تحرص اذا النقل لـ مجلس عنيزة

** تحياتي **