شعراء عنيزة

شعراء عنيزة (http://www.3naizah.net/shora/index.php)
-   عبدالعزيز ابراهيم السليم (http://www.3naizah.net/shora/forumdisplay.php?f=93)
-   -   على الضواحي لميع بروق (http://www.3naizah.net/shora/showthread.php?t=5056)

ماجدونا 2007 03:22 AM

على الضواحي لميع بروق
 
على الضواحي لميع بروق = كشافها يشتعل نيره
اتدفق هماليها برفوق = وانساق سيله على الديره
نوٍ ردف له خيال فوق = يضحك وتبكي مواخيره
ينثر على منبت الرقروق = من مافق الرمل لعشيره
تفرح بها مرزمات النوق = من غب مزنٍ ضفا خيره
تقطف من الروض والزملوق = حلو الزهر من دواويره
تلقى الجمايل عليه فروق = ما عذب الرجل تدويره
لا تطرد الصيد يالمطفوق = خل الظبا واستلم غيره
قبلك رمنن بعرض السوق = ما غير طقن لي الحيره
كني على حجتي مصفوق = يوم الهوى حايمٍ طيره
مثلي ومثلك قليل اوفوق = من سوّ حظك وتدبيره


الساعة الآن 10:35 AM

Powered by vBulletin V3.8.7. Copyright ©2000 - 2021, Tranz By YsOrI
اصحاب عرب
الحقوق محفوظة لشعراء عنيزة 2004-2022