مرحبا بك

العيـد عيدنـاه مصـران وكـروش=كلٍ عصب راسـه وفسّـر ذراعـه
جلود بالبرميـل ودْمِـيّ بالحـوش=كن البلد مِسْتَيقـضٍ مـن مجاعـه
في بيئةٍ صحراء معاصير ووحـوش=فيهم عن اظهـار السعـاده مناعـه
بعض الوجيه اللي بها العهن منفوش=توحي بأن البـؤس خيّـم شراعـه
تعـال عاملهـا بعمـلات وقـروش=وتشوف كيـف الملعنـه واللكاعـه
ياكِلْكْ وانت اتشوف ويدور بك بوش=ويقول خـوف الله ساعـه وساعـه
وان شاف له كفٍ محنّى ومنقـوش=قـال المـرهْ مُتْعَـه وحـلٍ متاعـه
عقد عليها عقد باطـل ومغشـوش=نِيّة طلاقـه قبـل بصمـة صباعـه
والى قضى الوطر البهيميّ والدّوش=قام إيتفاغـر مثـل ثـور النفاعـه
رماهْ رمية عظـم مافيـه عرمـوش=وحطّم حَيَاتَـهْ حطّـم الله اخناعـه
يـارب لاتبقـي تناتيـش ورتـوش=منهم . حـدٍ يكتـال مـدّه وصاعـه
يالِعْن ابوهم من سلاتيـح ودحـوش=ياوسـع حِلْـمْ الله وياصبـر قاعـه