معاناة الحياة
الله من شـــي بصدري خفيته =خلاّ شعر راسي بياض وانا شاب
مشيت درب ليتنـــي ما مشيته =حتـى صهدني بالشبك حزم كلاب
ان قلت أبنكس قال عمرك شريته =يشهد محمد مع خواته والانساب
وان قلت ابثنــي طريق بديته =يقول ويلك يعترض دربك الداب
لاشك لاتنـــدم على ماكميته =ياعل صبرك للسعد يفتح الباب
من زيـن النيـــه لقى اللي حكيته =انشد هل التجريب واصحاب الالباب
لاضاق صدرك فانص ربك ابيته =حيثك بمـكة وارفع الكف طلاب
يشفيـك مما حل بك واشتكيته =ربك كريـمٍ من ترجاه ماخاب
ويرزقك رزقٍ ماقعدت وتنيته =ويوسع الدنيا لوجهك بترحاب
دار الكـلام وماخذيته عطيته =هيضت من مابي ولانيب مرتاب
وختمت بســم الله مثل مابديته =قلت القصيدة كل قاف على آب
محبكم
ابوسحر