خلف خليفة والده
مرثية خلف بن صالح الصل ( رحمة الله )
مرحوم يارجل على الطيب مجبول =الله يجــــبر في وفـاته عياله
من طلعته مثل الجمل ينقل حمول =خلف خليفة والــــده في فعاله
انا اشهد ان فقده علينا على الطول =مازل وقت الا يجـينا خيـــاله
يبكي خلف داني وقاصي ومجهول =وتبكي علــيه المرجلة والجماله
يرحمـك يارجل مع الناس مقبول =من طلــعته مامر درب الفساله
راع الفــزايع والكرم مابها قول=ريف الضعيف يشاركه في حلاله
يضحك بوجه الضيف لو كان مشغول =ويقـــلطه ويكيـــفه من دلالـه
صدره وسيع وبالغرابيل مدهول =من صكته غبر الليــالي عناله
الله يعـــفو عنه ماهل هملول =ويعيض الاسره من عياله بداله
واختامها صلوا على خير مرسول =الهاشـــمي اللي وفى بالرسـاله
محبكم
ابوسحر