[ابو سعد]

اختيار رائع ياعطاشا

تسلم ولاهنت

واستلم هذي من روائع خالد الفيصل

غناها محمد عبده

فزّ الخفوق وقلت يا الله عسَى خيرْ =أثر الّليالي عاد غايب قمرْها
معْ شوفته نشوهْ وفزّهْ وتخديرْ =وعيون خلاّنٍ تعانق نظرْها
يفزّ له قلبي كما فزّة الطّيرْ =والرّجل كن الّلي تَحتْها غدرْها
يا صبح عمري يا صباح التّباشيرْ =نوره ملا قلبي وروحي غمرْها
عقب الفراق الّلي تعدّى المحاذيرْ =يبّس غصون القلب جافي دهرْها
ربّع بروحي عقب ما هي معاسيرْ =سحابةٍ هلّت بقلبي مطرْها
واسقَى بها زرعة هوانا بتقديرْ =غرسة غرامٍ بالمحبّه بذرْها
يا عاذلين العين والله مخاسير =والّلي درَى عن حال عيني عذرْها
تشوم عيني عن جميع الغناديرْ =وان ناظرت عيني فوادي نهرْها
يا ناس أحبّه والمحبّه مقاديرْ =هذا هوَى نفسي وهذا قدرْها
والحب ما له يَاهَلَ الحب تفسيرْ =قلبين والله بالمحبّه امرْها
لَى جيت أصوّر حالة الحب تصويرْ =وارد عن حالي لخلّي خبرْها
لقيت وجدي فوق كل التعابيرْ =كل الشّعر قطره وشوقي بحرْها

تحيااتي