[ابوسحر]

ليلة العيد واجهني مسلّي حادرن للمبيعه=حزّة الفطر والصوّام بلشين بطيب المعاشي
يوم شفته وقفت وقلت ريّض ياغزال الوديعه=عطني العلم يابيّاع مرغوب المودّه بلاشي
قال خذ واردي واحلم ولاترضا على الهزيعه=اقبل العذر قلت العذر مايبرد لهيب بجاشي
انت اشوفك من الموسم علّي مغيّر للطبيعه=ماتجمّلت بي ياصاحب المعروف والرزق ماشي
انت تمشي على كيفك وانا ضاقت علّي الوسيعه=والزمان اختلف وانت العوض باهل القلوب الهشاشي
ياثمر في نبانيب الغصون اللي عسقهن رفيعه=حبّة منك تنعشني من اطراف الشفايا نواشي
قبل فرقا تفرقنا ترى فرقا الليالي فجيعه=انت سجلي ومكتوب من أجلي ياعزيز القماشي

محبكم
ابوسحر