بالقلب لك شـيٍ كثيـر
حبك لجا وسط الضمير
الوضع يالغالي خطيـر
ومنين أبلقى العافيـه
حاولت أبشرح لك وأقـول
وأخاف قصتنـا تطـول
وأخاف من كثر الحلول
وأكيد مثلي .. خايفـه
أبني قصـورٍ بالهـوى
تعبـت أدور لــي دوا
واليوم أنا قلبـي نـوى
ينهي فصـول السالفه
مليت من دنيـا الشقـا
وين أنت ياظبي الشفـا
اللـي بقلبـي ماخـفـا
واللي بعيونك .. شايفه
المرحوم الشاعر : عبد الله بن عبد العزيز العليوي