وتعني الأقوال المختصرة إيجاز القول في عبارات تؤدي الغرض الذي يقصده الشاعر :
كان الجسد يقوى على غيبة الروح=فأنا قويت أصبر على بعد خلي
كان الهوى مابه على الطول مصلوح=عزاه ياعمر مصيره يولي
الأميـر / عبدالعزيز بن خالد بن عبدالعزيز
كم واحدٍ له غاية ماهرجها =يكنها لو هو للأدنين محتاج
يخاف من عوجا طوالٍ عوجها=هرجة قفا يركض بها كل هراج
يقضب عليك المخطية من حججها =حلو نباه .. وقلبه أسود من الصاج
الأمير / محمد السديري
شعر يموت وصاحبه حي لو فنى =وشعر يعيش بحد ماعاش صاحبه
مامات من هذي بقاياه في الورى =ولانسي من أنشا من الشعر صايبه
راشد الخلاوي
بعض القصايد ميته مابها روح =واللي كتبها حي مايذكر بشي
وبعض القصايد حيةٍ من عهد نوح=واللي كتبها ميت وذكرها حي
عبدالله الرشود
شابت لحانا ما لحقنا هوانا =وعزي لمن شابت لحاهم على ماش
طول نكد وكدّنا ما كفانا =عيشة وزايا الله على الكره نعتاش
نبي نغرب كان ربي رشانا=والانطوش بمصر من عرض من طاش
مبارك بن مرجان
ترى باذر الصبخا كما الطيب فا الرديان =ولاتنبت الصبخا ولا للردي تالي
مجدل بن ربيع القحطاني
أمسيت مابي شي .. واصبحت مطعون =من واحدٍ قلبي يهدّد بنزعه
قبل أمس ..طالب دين ..واليوم مديون=نقلت حملي ..وزعةٍ فوق وزعه
عبدالله بن خويتم
ارجي ثلاث فيك من دون منه =الدين الأول والكرم والشجاعه
الرجل لامن الثلاث افختنه=لاينبغي زوله ولابه طماعة
سعد بن هتيل الدوسري
محبكم
ابوسحر