من خلال أبيات هذه القصائد استنجدت هذا العنوان ** حب ممزوج بالعتب **
اللي حصل وقفة خواطـر وطالـت=بيني وبينـك وأنـت زوتهـا زود
سحابـة مـرت سمانـا وزالــت=هذا اعتقادي كنت لرضاك مشـدود
وأشـوف زلاتـك علينـا توالـت=تخطي و أسامح بس ما شفت مردود
يا ما عليك النفس يازيـن شالـت=هم لجا في خاطري مـا لـه حـدود
معك الليالـي يـوم صديـت مالـت=صارت عقب فرقـاك أيامنـا سـود
رغم الظروف اللي عن القرب حالت=يا زين أحبك والأمل فيـك مفقـود
عبدالله العليوي
غرك جمالك واحتواك التعالي =نام الشروق وغربت شمس الاشفاق
فاخر بزينك وأكثر الزين بالي=واجه مصيرك مع ضميرك ليا فاق
يمكن يعيدك للسنين الخوالي =وتموت في حضن الندم موت بواق
متعب بن رزاق
ياليت احبك هالشكل دايم الدوم =مابي وجودك في حياتي ضروري
باصبر على فرقاك وان عشت محروم =يكفي خيالك سبة في سروري
حتى انت لاتشتاق لامنت ملزوم =أدري بحياتك منتهي كل دوري
ماكان لي وياك بالحب مقسوم =بس اعترف لازلت عيني ونوري
اشتاق ثم اشتاق يوم بعد يوم=وانسى بذكرك كل همي وجوري
يااللي خيالك داخل القلب مرسوم =مجبور احبك يامحطم غروري
مابي سؤال منك لاعطف أو لوم =لأن الصراحة معك هذي شعوري
عبدالعزيز المداوي
وش فيك ..لاقلت وش بك قلت لي : يعني=متكاثر نشدتي ..ياكبر غلطاتك
لاتسفه الهرج يافتان .. واسمعني=دامي حبيبك معاناتي معاناتك
انا الي ضقت .. كل العمر يوجعني =واحس في غربتي لاواحيت عبراتك
أكيد مايزعلك بالحيل ..يجزعجني =ارحم خفوق على رجوى ابتساماتك
تكفى .. تكلم وسولف لي وسمعني =تصدق انك ثقيل الدم بسكاتك
بندر الشدادي
محبكم
ابوسحر