[ابوسحر]

البوح يعني أن الشاعر يطلق لسانه بعبارات يستخرجها من أقصى ضميره

حبي لك أكبر من جميع المعاني =وشوقي لك أكثر من حروفي بلأوراق
يامن غيابك يشهد الله كواني=بالحيل أحبك موت من كل الأعماق
حبك سكن بين الضلوع المحاني=في وسط قلب كله آلام واشواق
والله ماغيرك هوى القلب ثاني=انت الوحيد اللي له الروح تشتاق
ياكل عمري والأمل والأماني=يامصدر البسمة لصدري إلي ضاق
قربك مناي وجنتي في زماني =وفرقاك نار أحرقت قلبي احراق
عليك همي ياحياتي طواني=عليك دمعي من عنا البعد دفاق
أقولها من كل قلبي تراني=على العهد ما أنساك وان طال الافراق

عبدالرحمن صالح الهقاص

تزلزت قيمة غلاك بضميري=واستوحشت من شوفتي كل الاصحاب
وأحترت مدري وين ابلقا مصيري=في وجه ثاني أو على درب الاسباب
دمعي يثور وحاير في نظيري =وأوجس بموق العين من ملح الأنشاب
ياسيدي عن رفقتك مستخيري=عذري كبير القلب لازال منصاب
تاهت معك باقي بواعث مسيري =فكرك هو اللي غيّر التبر بتراب
اللي يقدر جيتي هو عشيري=وغيره ولو يملأ الفضاء ورد وأطياب

متعب العنزي

لياك تتعبني وانا منك تعبان =يكفي تعبك العام ياروح روحي
مرت سنة يامتلف الروح زعلان=وانا احسبنك بالموده نصوحي
ماهوب حقي منك صد وهجران=يامجدد في كل يوم جروحي
ابكي عليك من الضحى لي مسيان=والاعي الورقا حزين وانوحي
هذي سواة الغي خاسر وربحان=ياخل ياللي بالمودة شحوحي
احسبك ما تأخذ من فلان وفلان =واحسبك ما تسمع بحبي وتوحي

راشد بن جعيثن

نام الخلي . وموجع القلب مانام =يقرأ ..من الماضي بقايا علومه
ليله يمره .. بين تكفير ..واحلام =أحلام يقظة ..حارب العين نومه
الى رقد ..ماارتاح ..والى قعد قام=حمله ثقيل ..وكل طايل يرومه
نم ياخلي ..وتالي العلم قدام =من لا شكى لك حالته لا تلومه
خله على مابه من الوقت منظام =يكفيه عن عذلك مجاهد همومه
لابد ما تسقيك دورات الأيام =وتذوق من لفح الهبايب سمومه

عبدالله السياري






محبكم
ابوسحر