ان ابيك تفهم كلمة الحب وش معناه=تذوق طعم معناه وتحدد ابعاده
تخيل .. وترسم كل مايعترض مبداه=تصور شقا درب المحبين وانكاده
على شان ماترجع الى صرت بالمثناه=ويموت الهوى العذري قبل عيد ميلاده
ناصر المسيميري
جتني على ميعادها فتنة الجيل=كن القمر .. مستوطنٍ في نحرها
تمشي وكن الريح .. في هجعة الليل=تبحث عن اسرار السواد .. بشعرها
***
لو في يدي مفتاح باب السعادة =والا مفاتيح الهنا لو بعض يوم
والله لابعد عن زماني سواده =وانه فلا يبقى من الناس محروم
علي المفضي
***
ليت المعرفة معك ماكملت ساعه=والا بعد مابعد شافنك عيوني
يا من ملكت المشاعر مت لك طاعة=وش ذنب قلبي يموت اليوم مغبوني
بندر الشدادي
***
هذا القلم قطعت راسه وانحنى=يكتب على وجه الورق دم الوريد
مارس معي مثل القلم هدم البنا=احرقني اخضع للهوى واكتب قصيد
راشد بن جعيثن
***
الزين والله من ورى عارض طويق=ماهوب في روما ولندن وباريس
كل الحلا بمنتقات المعانيق=خودٍ عليهن يكثرن الهواجيس
راشد بن جعيثن
***
يامن سعة بالك حدتني على الضيق=الى متى مضناك يرجي وصالك
ان كان قصدك من تغليك تشويق=شوقي لك أكبر من تصور خيالك
الحميدي الحربي
***
انتهت قصة هوانا بابتعاد=ترجميها واكتبيها بالدموع
واجمعيها وانشريها للعباد =واكتبي عنوانها (( لا )) للرجوع
جابر الجعدبي
محبكم
ابوسحر