اقتباس:
|
المشاركة الأصلية كتبت بواسطة يزيد
تم نقل الموضوع هنا يابعدهم يالتميمي  .. كونه لا يحمل أي قطعه موسيقيه !!
وتم حذف المكرر.. حجاب شاعر ماعليه كلام ... وبعض قصائده قويه جداً ..
وياليت تكمل جميلك .. وتجيب لنا قصيدة .. لي قصةٍ عنها أكثر الناس يدرون |
شكرا لك يايزيد
على النقل أولا وعلى المرور والتعليق ثانيا
تفضل : هذا ماطلبت
نقلا عن الملف الذي بذلت فيه الزميلة الرائعة سيد العذارى
جهدا جبارا ومشكورا
في منتدى الوادي الأخضر
فقد دونت هناك ثلاثا وستين أغنية من أغاني حجاب
ومن حسن الحظ أنني وجدت هذه الأغنية
هي الأولى في ذلك السجل التوثيقي
الجدير بالاحترام والتقدير
وعلى فكرة الزميلة سيد العذراى
عضو هنا في
منتدى الطيار كوم
فلها كل اشكر والتقدير والاحترام
وأرجو ألا تُشغلها مهامها الضخمة هناك
عن المشاركة هنا
يزيد .. شكرا لك واعذرنا على الأخير
لي قصةٍ عنها اكثر الناس يـدرون=مـع عالـمٍ لا قابلونـي تكهربـت
ناسٍ اليا مروا مع السوق يمشـون=اضيع ما اعرف الثلاثاء من السبت
اللي نسيتوا مالكـم حـق تنسـون=يعنـي نسيتونـي لأنـي تغيـبـت
اغيب وكل النـاس مثلـي يغيبـون=كم بالقرى ناسٍ لهم نـاس بالخبـت
صديت واهل الحب عـاده يصـدون=لـو الغـلا بقلوبهـم نابـتٍ نبـت
يخشون ناسٍ يرقصـون ويدقـون=هذا جرى يمكن وهذا جـرى ثبـت
وانا ولو صديت ما زلـت مرهـون=وش عاد لو في بعض الاوقات جنبت
أعيش في جوٍ (ن) من البعد محزون=من يوم عن ديرة حبيبـي تغرّبْـت
اللـي تلومونـي كفـى لا تلومـون=ولا تضيق خطركم لو انـي تعذبـت
يمكن بهالتعذيب راضـي وممنـون=والا على طول الزمن قـد تدربـت
وانا ادري ان الناس مثلي يحبـون=لكن مـا تعبـوا مثـل مـا تتعبـت
اظن ما محدٍ حب مثلـي بهالكـون=ولو قص واحد قصتي كـان كذبـت
شيٍ يخلـي كامـل العقـل مجنـون=ما كنت اصدق بالهوى لين جربـت
هذا الخبر والحال من دون في دون=وانا خلاص مـن النهايـه تقربـت