[ماجدونا]

ضريت نفسي ولا سريت = ومن الحمق ما نقض لي شان
حاولت ابرم العفر وارميت = والا الرامي الله يابن سليمان
اغضى بريش الهدب واغضيت = وتل الخبر بي تقل سكران
حي مع الناس مثل الميت = مانيب صاحي ولا وجعان
من علتي ما بعد قريت= واسبح ببحر الهوى غرقان
اركض مع السوق ما سميت = من شن لجا بالضمير اشقان
ما لوم قلبي ولو فريت = من دافعٍ يدفع الولهان
اصبحت في علتي وامسيت = مثل المطوع بن عيدان
يا زين من عشرتك مليت = خلن واخليك بالميدان
اقفيت عني وانا اقفيت = تجزان واجزاك بالنسيان
وقول مع ذاك رحت وجيت = ما عاد لي بك مثل ما كان