--------------------------------------------------------------------------------
وهذه لأبو محمد.يقول فيها
أرسلت يم الحبيٌـب كـم مرسالـي=وابطت عليٌه من الغالـي مراسيلـه
يومين والثالت ارقى النايف العالـي=ودلٌـه القـلـب لازادت غرابيـلـه
يرتاح بالي واهوجس بالخلا الخالي=واحاكي الزين بافكاري واغنـي لـه
الى ذكرته لحالـي ينسمـح بالـي=صورة خياله معي باليـوم والليلـه
ماني على البعد والهجران محتالـي=ودي بشوفه بعد ما غاب واشكي له
واليوم قلبي رصدته وسـط جوالـي=كوده يجي من حبيب القلب تحويلـه
لولا الحياء قلت حلو الوصف بالغالي=لاشك لمحـة خيالـه كلهـا عيلـه
ارجيه من حسن ذاته يرحم الحالـي=يرسل جوابٍ حياتي فـي تفاصيلـه
من غيبته ماتبي حالـي ولا فالـي=والقلب من لو عة الهجران يا ويلـه
ان كان طالت عليٌـه منـه عزالـي=تكفون يافزعتي شوفوا لي الحيلـه