وهـنـــا ,,
طرق بين حمد المغيولي و عبدالعزيز البادي ( رحمهم الله ) ...
حمد
جمعتنا الليالــي عقب فــرقا طويله = في شرف من شعم ناره لشقر الدلالي
كل ميت علــى قبــــره تغــــز النصيله = وانت حـيٍ مـع الحيين حييت غالي
عبدالعزيز
جعـــل واليـــك يالدنيــــا يتـــم الجميله = بين خط البعيد وبين خـط الموالي
يا حليل العميل الى انسجم مـع عميله = باول المبتدا والخيـــــر يلقاه تالي
حمد
كل عابــــر سبيــــل مـــا قطعنا سبيله = ما يريد السنافي غير زيد الهلالي
كل مـــــا لاح بـــرق له عيوني تخيله = والنحيــه جنوب وغاديه بالشمالي
عبدالعزيز
انت ياللــي على المرقاب يومي شليله = هـــرجتك كنها من در عفر متالي
جعل بـــرقٍ تخيله مــا يعــديك سيله = لين تقطع ظماك من القراح الزلالي
حمد
ان سرينا ليال الخــــــــدر فانت الدليله = انت ياللي تورّد في طويل المدالي
كل طرقــــي نهار الصيف يملا صميله = علمتك الليـــــــال وعلمتنا الليالي
عبدالعزيز
المساري لها ناسٍ تكف الــدبــيـــــــله = انت خلك بحالك ثـــــــم خلن بحالي
ما بغيت الكلام اللي قليل حصيله = ودي اخذ من المضمون حمض المجالي
حمد
يـــوم حللت دمـــــك عارف لك فصيله = يالجنيه المكـرر غير وضع الريالي
صافـــي الجــــم مثلك مـــا يطمّه نثيله = والقمر مــا تخبـّا حدر سدم الخيالي
عبدالعزيز
كل مــــا دق هاجوس الضماير بدي له = يخلف الرابعه والعـــزم طار طرالي
زين شوف الهدف من قبل شب الفتيله = مير انا هالسنه مستجفل من ظلالي
حمد
يــــا بعيــد المرامي والرموع الطويله = كان هب الهوا لك ساع هب الهوا لي
اسبر المزن قبـــل المزن يطفح جفيله = اي شمس القــــوايل واي فيّ الظلالي