(( مامن رجا ))
مامن رجـا ياميـت القلـب يحييـك=أجهدت بالرجوى لما حـدن اليـاس
قطعت بيديني حبـال الرجـاء فيـك=ومات الغلا من موت قلبك والإحساس
وحبي دفنته بالثرى وجيـت اعزيـك=وأحسن عزاك الله على قوله النـاس
ياعل قلـبٍ وإن شقـا فيـك يغليـك=قلبٍ يـودك تحـت الأقـدام ينـداس
لا ضاع قلبك وش بقى فيك نرجيـك=أصل البناء كله على قـوة السـاس
ما للعـذر معنـى ولا عـاد يمديـك=وفر تعبك اللي بها لـراس بالـراس
( أحــمد بن عبد الرحمن الخراز )