[بوح الجروح]

(( دور أهـلـك ))

خل أحاسبك بخطاك وعن جهلـك=ما أضن مثلك نفع مثلي شريـك

مانجح مشروع يكثر بـه زللـك=شف وش اللي لك وإرحل ما أبيك

إترك أعمالي ودقق فـي عملـك=بالنهايه منـك أعمالـي وفيـك

كيف تقفي عن حنان اللي شملك=داخل عيونه وروحـه تحتويـك

الصدود اللي وصل قلبي وصلـك=كان ماتدري ترى قلبـي نسيـك

نفس قلب العام يوم إنـه حملـك=عن هموم الوقت وإغتلته بيديـك

حلت الفرقـاء ورح دور أهلـك=لاتحسب إنه تبي تاقـف عليـك