وهذه محاورة أخرى بينهما
حمد
يابو عبيد العب علي ماتورى وامش قدام = وانا خويٍّ لك على الكور ياراع المطيه
عبد الله
غيب الليال السود قبل امس جت به بعض الايام = وانته تريد الخير لكن خيرتها خفيه
حمد
لاتحسب ان الوقت يالعير كنه وقتك العام = لوا عذابك كان لزمتك يالشاعر يديه
عبد الله
يابن الحلال انته تصلي وتاكل مال الايتام = تقرا كتاب الله وتحتال في هذي وذيه
حمد
ياللي تحلم مانت قادر علي تحقيق الاحلام = لاتحسبنك لو تعزويت خيال العبيه
عبد الله
لو دامت الانعام دامت على عازم وعزام = لابد ما تبدي عليك الهبوب امصافقيه
حمد
ارتح ترى منتب علم ينذكر من ضمن الاعلام = ضحكتني واشر ما يضحك الناس البليه
عبد الله
الجور مثل الظلم والظلم ما يرضاه الاسلام = واللي يسجل ما يخلي كثير ولا بليه