ابو محمد العميم وابو عزيز البادي وابو محمدالكريدا.. جمعتهم صداقه قديمه وما زالت للآن . فعند أجتماع هذا الثلاثي الرائع لابد أن يبادر احدهم لوسيمه لا تخلو من المداعبه الاخويه التي تنم عن عمق الصداقه بينهم . وهنا نبدأ بالطروق الخفيفه بينهم واللي من بيت واحد :-
الكريدا
سلامي برديــه وفـيـــــه علـــى المطلوب = ابلعب بعد شفت العميـــــم او ولد بادي
العميم
هلا مرحبا حيـيـــت يـــــا مكمل الماجوب = عدد مــــــا ينوض البرق قافيه رعادي
البادي
وابثن التحيه فيك يــــا الشاعر المحبوب = بعد مــــــا جمعنا الله على غير ميعادي
الكريدا
ترا مـــا جرا يا صاحبي صار له سلهوب = وبكره يجيك العلـــم من موجة الرادي
العميم
انــــا من زمــان تارك جــرت المسحوب = ولانــــــي مكلـــف بين عايـد وعوادي
البادي
ورا الجعفري مـــا يذكــر الله ثــــم يتوب = وانا صاحـــــيٍ له قاضب كل مرصادي
الكريدا
انا مـــا عليه لــو يطيح الحجر والطوب = يا ليت العميـل يصير مع صاحبه هادي
العميم
تسبب لنفسك يا الكــريدا عليك اذنـــوب = عسى الله يظف الستر يا ولد الاجوادي
البادي
تـــرا الادمــي ما له مطيـــر عن المكتوب = نروح ونجي في دبرة الخالق الهادي
الكريدا
على الله على الله يا رفيع القدر والصوب = عليه تحط اللــــوم مع غاية مرادي
العميم
يعلك تهنـــى مع هاك الجادل الــــرعبوب = نصحتك نصحتك مير ما فاد ما فادي
البادي
صبرنا مثل صبر المهادي وصبـــــر ايوب = لكنه خـبـيـــث يـــدفن السم بالزادي
الكريدا
يفتـــــــش حزامــــي خالك يدور العذروب = لبستوا ثياب الطوع يا صفوة النادي
العميم
انا ادخل على الله مير جاب الخبر شلهوب = وانا مـا حمّلك حملٍ بدون التوكادي
البادي
يحاول يدلك مير مــا طعت يــــــــا مذهوب = وخلك بغيك يا عمـى القلب متمادي
الكريدا
تشيب القوافي يــــــــــا ولد غير الملعوب = لحون الطــروق كثار ناسم وتنقادي