(( قل وإختصر ))
قل وإختصر وإبعد عن الحب والشوق=أنت أخر إنسان يتكلم باالأشواق
قل وش تبي منــتب على أولك معشوق=حرام مثلك ينوجد بين عشاق
لو تصفي الدنيا عليك أنت مخلوق=ماشفتك بعيني إذا عندي أخلاق
لقيت من دونك مع العالم الذوق=شمس وقمر بالليل والصبح بـــ .. إشراق
حلت مكانك وأنت لو ترتفع فوق=سد الفراغ إن كان بك حيل لفراق
غيرك عرف قدري وشالن وبالموق=إن غبت إشتاقت وإلى غابت أشتاق
ملك حياتي كلها عذب منطوق=وأنا ملكته بعجبن كل ما ماق
تبيني أرجع وأجلب لنفسي العوق=معك وأخلي من جبر كسرة الساق
ذكرتــني موعد مع الحب والشوق=إبعد وشف غيري وناجه با الأشواق