[روح التميمي]

((عنيزة))

باريس نجد اللي تسَمَّى عنيزه=هي ديرتي فيها مجال اعتزازي
حُبَّ الوطن عاده وحُبَّه غريزه=من زارها يظهر عليه انْحِيازي
يوم الدَّفَاعي كل رايٍ يجيزه=قبل الرَّخا تِرْهِب هُوَاة المغازي
دار الوفا دار النفوس العزيزه=في نجد ميلافي وديني حجازي
بين الشِّعِيبِيِّه وبين الخريزه=ماتِهدي التاريخ كل انْتِهازي
من دَعْوِةَ الاصْلاَح فيها رِكيزه=وبْحُكْم ابو تركي نِظَامٍ مْوَازي
تَلْقَى لها بين الوزارات ميزه=تِدْرِك على كل البلاد امْتِيَازي

ابوزياد / عبدالرحمن الهقاص