هذه محاوره لشاعر عنيزه الكبير محمد بن حسن مع الشاعر محمد بن موسم السلمي
ولد الخال
سلام رديـه وفيـه عليكـم يالرجـال الحشـام=ردية (ن) من سمْعهـا مـن عبـاد الله يغنيبهـا
وين انت يا محمد نبي منك يابن الناس رد السلام=حيث إن بعض الناس في حزة الميقاف ياطيبهـا
محمد السلمي
يامرحبا حييت يا ذيب مبداها بحسـب النظـام=ترحيبة(ن) من سمعها من عباد الله يهذريبهـا
يا بن حسن موجود في ماقفي لكن شد الحـزام=وسليم ربع(ن) فالمواقيف تعرف وش مكاسيبها
ولد الخال
دام البقا بك والمعاني لها عند الرجال احتـرام=والناس الى منه شرت تدفع المطلوب من جيبها
احسب حسابك للسفر والسفر ياهيه يجلى الظلام=وسليم اعرفه من قديم الدهـر توفـي مطاليبهـا
محمد السلمي
يابو حسن من كان ينوي بعمره يلبس الها حرام=وانا احمد الله واشكره معتمر والنـاس ماليبهـا
الغاوي اللي يعترض للسهم يبشر بزود السهـام=وسليم دايم توفي الناس ما تبخـس محاسيبهـا
ولد الخال
ان كان ماصدقتني فنشد اربوع وخوال وعمام=حتى تعرف ان اكثر الناس مشذوبه عراقيبها
من لا يعرف المردفه يامحمد ما يعرف السنام=والليله الظلماء قليل النظر ماهوب يسريبهـا
محمد السلمي
من طق باب الناس طقوا عليه الباب مابه كلام=لكن بعض الناس تال الدهر شانـت هناديبهـا
ماني برب الجاهل اللي مايدري كيف بني الخيام=واليا بناها تعرف الناس يا محمـد عذاريبهـا
ولد الخال
يا سليم شكوانا على ربنا محيي رميم العظام=سبحانه الخلاق كل البشر علام في غيبهـا
حنا نخافه مير ماودنا نفطر بشهر الصيـام=والمشكله وان كان كبرة فأنا دورت تجنيبها