عنادك يالمهاديـب الدقاقـه=أحبه لو يجي في غير حينـه
أحب اللي نظر عينه سراقـه=يشوق بالغلى خافـي حنينـه
إلى جت عيني بعين أشتياقه=تبسم ثم سلهم رمـش عينـه
يعاندنـي عنـادٍ لـه مذاقـه=أحبه منه لو نفسـي حزينـه
يغالـي بالمحبـه والرفاقـه=وأنا أدري في مشاعره الدفينه
أعرفه من حجاجه وأنطلاقـه=وأشوف الشوق مابيني وبينه
يبان الود في لحظـة فراقـه=بنظرات لهـا قلبـي رهينـه
محبكم
ابوسحر