[روح التميمي]

المشاركة الأصلية كتبت بواسطة حمد البادي

وهذه قصيده للشاعر ابومحمد
القيت في حفل عيد الفطربعنيزه*
عام 1418

تجلٌت بالفرح داري عنيزه كل عام ابزود=شباب وشيب يامحلا الفرح من بين الأجوادي

نهنيكم جميع بلا خصوصٍ يا رجال الجود=عسى الله يجعل ايام السنه من جنس الاعيادي

واخص إبها الفهد واخوانه القاده لنا آل سعود=رجالٍ يمهم راس الشرف يخضع وينقادي

رجالٍ بذلهم للمجتمع دايم بغير احدود=بنوا صرح التقدم واشهدي ياساحة النادي

وأعيد التهنئه وافخر وانا جودي من الماجود=لأمير المنطقه فيصل عساه بعز واسعادي

جميع المنطقه تشهد لأبو بندر على المجهود=وانا اشهد من ضميرٍ يرسم الواقع ولا زادي

بعد نهدي تحيه للمحافظ والوفاء معهود=تحمٌل واجبه واخلص ولا يحتاج نشٌادي

فرح عيد ارمضان بكل حاره والقلوب اشهود=وزادت يا هل النادي بكم رايات الأسعادي

تشد مناسبات العيد حبل مواصلٍ ممدود=مواريه الأكيده بالوجيه الضاحكه بادي

مظاهر حب صافي من قلوبٍ تكره المنقود=على طول السنه له ماقفٍ ثابت ومعتادي

عسى حفلٍ جمعنا بالمسره بالقريب يعود=على خيرٍ يعم المسلمين بسنة الهادي

ترى التعبير يقصر ما يصور غاية المقصود=وباختمها بشكرٍ مثل ريح المسك والكادي

* نقلا عن الشاعر حمد البادي