[روح التميمي]

المشاركة الأصلية كتبت بواسطة حمد البادي

يا وجودي على اللي ساكنٍ بالضماير*

يا وجودي على اللي ساكنٍ بالضماير=وجد من راح عمره في حياةٍ كسيفه

اتوجد على اللي ما صحب كل عاير=لا تلومون من وجده بشوفة وليفه

يا وجودي عليها وجد راعي عشاير=إجفلت من مراحه وإتبعتها العسيفه

آه انا صابني مثله جداي العباير=من سبايب عشيرٍ لي علومه طريفه

ليتها من بعيدٍ كان اقول الوداير=مير جدي بجده من زمانٍ حليفه

والله اني فلا اسمع قول عاذل وشاير=دام قلبي مولع بالقلوب النظيفه

ليتها تلتفت لي لا تضيع البصاير=قبل يذوي ربيع العمر حزة خريفه

لجل اهلي ورحب بالفرح والبشاير=في غزالٍ بكل البيض ماله وصيفه

ولعتني ونا توي صغيرٍ امساير=تنهب القلب وافكاري عفيفه شريفه

اشد انه بعمري في خفي السراير=هو عريفي وانا في طول عمري عريفه

* نقلا عن الشاعر حمد البادي