[روح التميمي]

المشاركة الأصلية كتبت بواسطة حمد البادي

ألا ياحمد ما ذقت من لوعة الأيام

ألا ياحمد ما ذقت من لوعة الأيام=كما ذقت انا من صاحبي لو عة الفرقا
اسامر نجوم الليل والمسلمين انيام=والاعب غرامي كل ما ناحت الورقا
واجاهد لهيب الشوق من ثورة الأنسام=على الكبد من ميسم عذاب الهوى عرقا
صويب الهوى والحب ما ظنتي يلام=شرايين قلبه من هوى صاحبه حرقا
مع الناس مستانس ومن داخله منضام=جحد علته والعين في دمعها حرقا
يعيش الليالي في خياله مع الأحلام=تسيٌر به الأفكارمن غرب الى شرقا
سواة الكسير الطايح اللي بدون اعظام=يجر الونيين ولا يحول ولا يرقا
انا صابني مثله مضى لي ثلاث اعوام=مع الصاحب اللي ضوح خده كما البرقا
على شوفة المملوح تمشي بي الأقدام=اسارق ملامح نظرته بالخفا سرقا
ذبحني هوى من وصفها يتعب الأقلام=من الملح لا بيضاء خواجه ولا زرقا

* نقلا عن الشاعر حمد البادي