[ابن الخطيب]

يا ناس انا من سوق الاسهم .. عشت في وضعٍ خطير=لانه حصل .. في المحفظة .. ارهاب .. ثم مداهمه
قالوا لي .. ان القرش الابيض .. ينفع بيومٍ عسير=ومن بعد هالنكسة .. ( وجع ) .. صارت قروشي جاهمه
يحّول حالك .. يالصغيّر .. لا لعب فيك .. الكبير=الحين .. لا يمكن .. تصدّق .. توصياتٍ .. زاهمه
واللي ذبحني .. في المواطن السعودي ... الضرير=لا زالت .. افكاره .. على ردّة حلاله .. واهمه
والشايب .. اللي باع بيته , والمخدّة .. والسرير=اللي بقى له ... ثوبه .. ومسواكه ... ومراهمه
كسر خواطرنا .. ليا من قال .. جعل الأمْر خير=واللي يقولون .. الصبر .. ما هي .. بناسٍ فاهمه
لان النتيجة بعدها .. ( شلّة ) خلا منها الضمير=لا بارك الله .. في نفوس .. لطيحتي ... متفاهمه
يا عمّ ذولا ناس .. ما تسمع بكلمة .. ( ما يصير )=لو قالوا ابليس .. افتتح شركة .. تروح تساهمه
ماهو مهم جمّاز .. أو هامور .. أو حتّى الوزير=عندي المهم .. جعله .. يذوق المر .. في دراهمه
وان كنت خايف يالسعودي .. تصبح بيومك فقير=سوّ .. اكتتاب .. لبيتك .. او لموترك .. مساهمه