أنا من لي غيرها فاقت الحسن والجمال=من لي غيرها ونيس وانا لحالي
تسحر ناظر العين وترسم لي خيال=وتخلق لي حلم يراودني ويكمل خيالي
أداعبها تداعبني تفارقني هذا محال=لو فارقتني ياترى كيف بتصير حالي
لو ماتت المشاعر وانقطع حبل الوصال=بصير ضحية وحده عاشت بدلالي
كل يوم أتسائل وأسالها نفس السؤال=تجاوب بابتسامه حنونه معنى وصالي
هي لقلبي نبضاته ولعقلي هبال=يابعد هالهبال ويابعد كلي ومالي
همسة شفايفها تذوب وتريح البال=وصوتها عندليب ضربت فيه مثالي
تصارحني واصارحها وتعطيني مجال=وابوح لها بكل شي يدور في بالي
تبين لي عن شوقها وحمله اللي مايشال= وتقول انها تدمع الليل وانا سالي
والله مادرت عني وعن شوقي والحال= والليل اللي اسهره والهم اللي طرالي
تأليف/ واثق الخطى