[أبو زياد]

بسم الله الرحمن الرحيم
ياروح عاش اسلوبك الحي

إلى عزيزي الأخ روح التميمي .. حفظه الله
السلام عليكم ورحمة الله وبركاته .. وبعد
لقد أطلعت على ماكتبته عن المرحوم عبدالله بن عبدالرحمن الوهيب تحت عنوان (عبدالله الوهيب اسطورة كرة اليد) وقد أعجبني كثيرا هذا الانتقاء الجيد والإيجاز الدقيق الذي يغني عن موسوعه وهذا ليس بمستغرب على روح التميمي صاحب السبق والإضاءات في جميع مجالات التراث وأخص ماتكون عنيزة فيه وأبناؤها المبدعون محور ذلك الإنتقاء . وقد سجلت اعجابي بهذه الابيات :

ياروح عاش اسْلُوبِك الحَيّ يَاضِي=عنَ الْوْهَيِّب بَافْضَلَ الشُّكر حِيِّيت
وَفِّيت ياكاتب وشاعر وقاضِي=وَفِّيت ياشيخ الثِّقافِه وكَفِّيت
وَفِّيت في تقدير صَرْحٍ رياضِي=عشرين عامٍ كامِلِه ذَايِعَ الصِّيت
وَفِّيت في مِشْوار حاضِر وماضِي=تَقْرَا فِصِيحَ اهْلَ الثَّنا ماتَهَجِّيت
شرحٍ كِتَبْتِه مايِجِيِه انْتِقاضِي=أَحْلَى منَ التَّوثيق ذا ماتَحَريِّت
ماتَرْمِيَ الاَفْكَار مَلْيَان فاضِي=مِيزانِك الحَسَّاس ماقال ياليت
فِكْرٍ على نَظْمَ الحقايِق امْحَاضِي=دَاخِل جُيُوبَ الكَمْبيُوتر بَنَى بِيت
ذِكْرَ المحاسِن مِثِل زَهْرَ الفْيَاضِي=مايَكْفِيِ انَّ الحَيّ يَبْكِيِ على المِيت
هذا كلامٍ ماعلِيه اعْتِراضِي=بالشِّعر اقومِ بْوَاجِبي ماتِسَلِّيت
والوقت بِعْنِيزِه والاَبْطَال راضِي=لولا الفَخَر في ديِرِتي ماتَغَنِّيت

ابوزياد
عبدالرحمن بن عبدالله الهقاص
عنيزة -20/12/1428هـ